अपरकर्णाली भारतलाई दिनुहुन्न
२०७० जेष्ठ ७ गते, मंगलवार
काठमाडौं । राष्ट्रिय जनमोर्चाका अध्यक्ष चित्रबहादुर केसीले अपरकर्णाली परियोजना कुनै पनि हालतमा भारतलाई दिन नहुने भन्दै यदि नेपाली जनतालाई ठगेर दिएमा त्यसको विरुद्ध संर्घष गर्ने बताए । अध्यक्ष केसीले आफूलाई राष्ट्रियताको लागि लडेको भन्ने वामपन्थीहरु नै राष्ट्रघातको पहिलो मोर्चाका भएको बताए । जनमोर्चाले राजधानीको संवाद डबलीमा आयोजना गरेको ‘अपरकर्णाली ‘ विषयक अन्तरक्रिया कार्यक्रमा बोल्दै केसीले उक्त कुरा बताए
का हुन् । अन्तरक्रिया कार्यक्रममा केसीले भारतीय साशक वर्गलाई खुशी पार्न उसका नेपाली दलालहरुले प्राकृतिक साधन स्रोतहरु बुझाउने श्रृंखलाको कडि रुपमा अपरकर्णालीलाई सुम्पन लागेको दाबी गरे । उनले अपरकर्णाली परियोजना भारत होइन नेपाली जनताको हितमा बनाउनुपर्ने बताए ।
सोही कार्यक्रममा नेकपा-माओवादीको सचिव देव गुरुङले सिंगो कर्णाली नदीलाई भारतलाई सुम्पने षड्यन्त्रका साथ अपरकर्णाली परियोजना जिएमआरलाई निर्माण अनुमति दिन लागेको बताए । सचिव गुरुङले तल्लो तटियो र माथिल्लो टलिय अधिकारका नाममा भारत पूरै कर्णाली नदी कब्जा गर्न लागेको दाबी गरे । उक्त परियोजना संसारकै सस्तो भएकाले नेपालले आफै निर्माण गर्न सक्ने भन्दै नेता गुरुङले अहिलकै अवस्थामा भारतलाई दिइएमा आफ्नो पार्टी ले हुनै नदिने दाबी गरे ।
कार्यक्रममा नेपाल मजदूर किसान पार्टीका केन्द्रीय सदस्य रविन्द्र जेठारा, रत्नसंसार श्रेष्ठ, गोपाल सिवाकोटी ‘चिन्तन’ लगायतका बक्ताहरुले भारतलाई विजुलीभन्दा पनि पानी चाहिइएकाले कर्णाली नदी कब्जा अपरकर्णाली परियोजनामा हात हालेको बताए । उनीहरुले परियोजना निर्यतमूखी भएकाले नेपाललाई कुनैपनि फाइदा नहुने दाबी गरेका थिए ।
