२०७६ पुष २१ गते, सोमबार

काठमाडौं , २१ पुष । नेपाल सुनचादी व्यवसायी महासंघले आज फेरि सुन तोलामा ५ सय रुपैयाले बढेर प्रतितोला ७६ हजार रुपैयामा कारोबार भएको जनाएको छ । यस्तै, तेजावी सुन प्रतितोला ७५ हजार ७०० रुपैयाँ पुगेको छ । त्यस्तै सोमबार चाँदीको मूल्य पनि ह्वात्तै बढेको छ। आइतबार स्थिर रहेको चाँदीको मूल्य सोमबार भने तोलामा २० रुपैयाले बढेर प्रतितोला ९ सय २० रुपैयामा कारोबार भैरहेको छ। आन्तरिक माग र आपूर्तिका कारण भन्दा पनि विश्व बजारमा निर्धारण हुने मूल्यकै आधारमा नेपालमा पनि भाउ तय हुने व्यसायीहरुको भनाई छ । पछिल्लो समय अमेरिका र इरानबीच विवाद झनै चर्किएपछि व्यवसायीहरुले सुरक्षित लगानीका रुपमा सुनलाई रोजेका हुन् । जसका कारण माग बढ्न जाँदा मूल्य पनि माथि लागेको हो ।