२०७५ मंसिर १४ गते, शुक्रबार

काठमाडौँ, १४ मङ्सिर । नेपाली बजारमा सुनको मूल्य घटेको छ । आज छापावाल सुन प्रति तोला ३ सय रुपैयाले घटेर प्रतितोला ५७ हजार २ सय रुपैयामा कारोबार हुने नेपाल सुनचाँदी व्यवसायी महासंघले जनाएको छ । आइतबार रु १ सयले घटेर प्रतितोला ५८ हजारमा कारोबार भएको छापावाल सुन सोमबार फेरी तोलामा रु ३ सयले घटेर प्रतितोला ५७ हजार ७ सयमा कारोबार भएको थियो । तर मंगलबार प्रतितोला रु तिन सयले बढेर ५८ हजार प्रतितोला पुगेको छापावाल सुन बुधबार रु ४ सय ले घटेर ५७ हजार ६ सय रुपैयामा कारोबार भएको थियो । बिहीबार भने सुन प्रति तोला १ सयले घटेर ५७ हजार ५ सय रुपैयाले कारोबार भएको थियो । त्यस्तै शुक्रबार तेजाबी सुनको मुल्य प्रति तोला ५६ हजार ९ सय रुपैया तोकिएको छ । आज चाँदी तोलामा ५ रुपैयाले घटेको छ । बिहिबार प्रतितोला ७ सय ५ रुपैया मा कारोबार भएको चाँदी शुक्रबार तोलाको ७ सय रुपैयामा कारोबार हुने नेपाल सुनचाँदी व्यवसायी महासंघले जनाएको छ ।