२०७१ आश्विन ७ गते, मंगलवार

काठमाडौ- संसारमा सबैभन्दा बढी तलव खाने महिलाका बारेमा तपाईलाई थाहा छ ? इजरायलमा जन्मेकी अमेरिकी बिजनेश एक्जीक्युटिभ सैफरा कैट्स संसारको सबैभन्दा बढी तलव लिने महिला बनेकी छन् ।
उनलाई ओरेकल कर्पोरेशनको संयुक्त सीईओ बनाइएको छ। गत वर्ष उनले ४४.३ मिलियन डलर तलब पाएकी थिइन् ।
ओरेकल कम्पनीका संस्थापक तथा सीईओ लैरी एलिसनले कार्यकारी अध्यक्षको पद अस्वीकार गरेका थिए । यसपछि कम्पनीको प्रमुख आर्थिक अधिकृत कैट्सलाई पदोन्नति गर्दै सीईओको पद दिइएको हो । कैट्ससँगै मार्क हर्डलाई पनि यही पदमा नियुक्त गरिएको छ। अर्थात कैट्स र हर्ड मिलेर कम्पनीको बागडोर सम्हाल्ने छन् ।
मैन्युफ्याक्चरिङ, फाइनान्स र लिगल मामिलामा कैट्सलाई जिम्मेवारी दिइएको छ। हर्डलाई भने सेल्स, सर्भिस र ग्लोबल बिजनेश युनिको जिम्मा दिइएको छ। एलिसन सफ्टवेयर र हार्डवेयर इन्जिनियरिङको काम हेर्ने छिन् ।
कैट्स सन् १९९९मा ओरेकलमा आवद्ध भइकी थिइन् । उपाध्यक्ष पदमा नियुक्त कैट्सले सात महिनामै पदोन्नति पाएर कम्पनीको कार्यकारी उपाध्यक्षको जिम्मेवारी पाएकी हुन् । सन् २००४ मा उनी ओरेकल कर्पोरेशनको अध्यक्ष बनिन् । यो पदमा उनी एक दशकभन्दा बढी समयसम्म रहिन् ।
कैट्सले ओरेकलको व्यवस्थापन तथा प्रशासन विभागमा महत्वपूर्ण भूमिका निभाइन् । सन् माइक्रोसिस्टमका लागि ७.४ बिलियन डलर र पीपल सफ्टको १०.३ बिलियन डलरको अधिग्रहणको पछाडि सैफराकै श्रम पसिना थियो । सैफरा कैट्सले वार्टन स्कुलबाट स्नातक र युपेनबाट ल को डिग्री लिएकी हुन् ।- एजेन्सी