फुटपाथमा व्यापार गर्न निषेध !

२०७५ बैशाख २३ गते, आईतवार

काठमाडौं, २३ बैशाख । काठमाडाैं महानगरपालिकाले फुटपाथमा व्यापार गर्न नदिने भएको छ । यसअघि फुटपाथमा साँझ ५ बजेपछि व्यापार गर्न पाइन्थ्याे । तर अब महानगरले फुटपाथ अतिक्रमणविरुद्ध विशेष अभियान सुरु गरेको जनाएकाे छ । ‘शहरको सभ्यता र सौन्दर्य बिग्रँदै गएको तथा पैदलयात्रुलाई फुटपाथ छाडेर सडकमा ओर्लिएर हिँड्नुपर्ने अवस्था अाएको’ भन्दै महानगरपालिकाले साँझको समयमा चल्दै अाएकाे फुटपाथ व्यापार राेक्न लागेकाे हाे । फुटपाथ अतिक्रमणलाई शून्यमा झार्ने गरी अभियान सुरु भएको महानगरपालिकाका प्रवक्ता ज्ञानेन्द्र कार्कीले बताए । उनले बेलुकी ६ देखि राति १० बजेसम्म पनि फुटपाथ अतिक्रमण नियन्त्रण गर्न नगर प्रहरी परिचालन गर्न लागिएको जानकारी दिए । फुटपाथ अतिक्रमण गर्नेलाई हुने कारवाही हुने जानकारी दिँदै उनले भने, ‘अटेरी गर्नेकाे सामान जफत हुनेछ र जफत सामान पुनः फिर्ता दिइनेछैन । यसरी जफत गरेकाे सामान लिलामीमार्फत बिक्री गरिने समेत उनले बताए । अहिलेसम्म फुटपाथमा ब्यापार गर्नेको सामान जफत गरेपछि परिमाणअनुसार १ देखि ५ हजार रुपैयाँ जरिवाना तिराएर महानगरपालिकाले छोड्दै आएको छ । तर अब भने सामान फिर्ता नगरेर लिलामी नै गर्ने गरी प्रक्रिया अघि बढाइएको उनकाे भनाइ छ ।
काठमाडौंको रत्नपार्क, कलंकी, नयाँबसपार्क, कोटेश्वर, गौशालालगायतका स्थानमा फुटपाथ व्यापार अधिक हुने गरेकाे छ । यस्तै जमल, भोटाहिटी, भृकुटीमण्डप, बानेश्वर, कालीमाटी, गोंगबु, सुन्धारा, न्यूरोडलगायतका क्षेत्रमा पनि फुटपाथ ब्यापार मौलाएको छ । तर अब सरकारले कडाइ गरेसँगै फूटपाथ व्यापारीहरूले विकल्प खाेज्नुपर्ने भएकाे छ ।

प्रतिक्रियाहरु

सम्बन्धित समाचारहरु

२३ कम्पनी कालोसूचीमा

२०८० चैत्र १४ गते, बुधबार

नेप्से १० दशमलव १४ अंकले वृद्धि

२०८० चैत्र १३ गते, मंगलवार

नेप्से १७.०१ अंकले घट्यो

२०८० चैत्र १२ गते, सोमबार