ट्रम्पले भने– इरानले ठूलो गल्ती गर्यो
२०७६ असार ६ गते, शुक्रबार
काठमाडौ, ६ असार । अमेरिकी राष्ट्रपति डोनल्ड ट्रम्पले इरानले अमेरिकी ड्रोन खसालेर निकै ठूलो गल्ती गरेको बताएका छन् ।इरानको दक्षिणी प्रान्तको पहाडी क्षेत्रमा इरानी सेनाले अमेरिकी ड्रोनमा आक्रमण गरेर खसालेको थियो । राष्ट्रपति ट्रम्पले मानवीय गल्तीका कारण ड्रोन खसेको हुन सक्ने बताउँदै इरानले नियतवस खसालेको भन्नेमा आफूलाई अझै पनि विश्वास नरहेको बताए । इरानले भने अमेरिकी ड्रोन आफ्नो हवाई क्षेत्रमा प्रवेश गरेकाले खसालिएको दाबी गरेको छ । घटनाले अमेरिका र इरानबीचको सम्बन्धमा थप तनाव उत्पन्न गरेको छ । अमेरिकाले मध्यपूर्वमा थप एक हजार सैनिक तैनाथ गरेको केही दिनमै इरानले अमेरिकी ड्रोनमा आक्रमण गरेको हो ।-एजेन्सी
