२०७४ मंसिर २९ गते, शुक्रबार

काठमाडौं, २९ मंसिर । काठमाडौंलगायत मुलुकका विभिन्न भागमा चिसो बढेको छ । केही उच्च हिमाली क्षेत्रमा हिमपात भएसँगै चिसो बढेको हो । आज बिहान राजधानीको तापक्रम ३.२ डिग्री सेल्सियस मापन गरिएको जल तथा मौसम विभागले जनाएको छ । विभागका अनुसार पश्चिम, मध्य र पूर्वी तराईका केही स्थानमा कुहिरो लागेको छ । केही स्थानमा बेलुकीसम्म नै कुहिरो लाग्ने पनि विभागले जनाएको छ । आज पनि पश्चिम नेपालका केही हिमाली क्षेत्रमा हिमपातको सम्भावना रहेको जनाइएको छ ।