कर सुधार आयोग गठन

२०७१ कार्तिक ३० गते, आईतवार


काठमाडौ।सरकारले कर प्रणाली सुधार गर्न उच्चस्तरीय आयोग गठन गरेको छ । चालु आर्थिक वर्षको बजेटमा उल्लेख भएअनुसार अर्थ मन्त्रालयको मन्त्रीस्तरीय निर्णयले कर प्रणाली सुधार आयोग गठन गरेको हो । अर्थमन्त्री रामशरण महतका अनुसार उक्त निर्णय गतबिहीबार भएको हो । ‘निकै पहिला यस्तो आयोग गठन भएको थियो । कर प्रणालीका सबै विषय अध्ययन गरी सुधारको सिफारिस गर्न आयोग गठन गरेको हो,’ उनले भने, ‘कर फछ्र्योट आयोगको पनि कुरा भइरहेको छ । गठनको प्रक्रियामा छ ।’ मन्त्रालयका अनुसार रूपबहादुर खड्काको संयोजकत्वमा तीन सदस्यीय आयोग गठन भएको हो । सदस्यहरूमा वरिष्ठ चार्टर एकाउन्टेन सुदर्शनराज पाण्डे र कर विशेषज्ञ माधव ढकाल छन् ।
खड्का ०५२ सालमा आएको मूल्य अभिवृद्धि कर ऐन आउनु पूर्वका कर प्रणाली सुधार आयोगकै संयोजक हुन् । उनकै संयोजकत्वमा गठन भएको आयोगले मूल्य अभिवृद्धि कर ऐन लागू गरेको थियो । त्यसपछि करको सुधार सम्बन्धी कुनै प्रभावकारी काम हुन सकिरहेको थिएन । अर्थ मन्त्रालयमा केही समय सरकारी अधिकारीका रूपमा काम गरेका खड्का कर परामर्शदाताका रूपमा काम गर्छन् । ‘गत वर्ष नै यो आयोग गठन गर्ने कुरा भएको थियो । खड्काकै समय अभावका कारण जनाउँदै गठन हुन सकेको थिएन,’ मन्त्रालयका एक अधिकारीले भने, ‘अहिले गठन भएको आयोगलाई चैतसम्मको समय दिने तयारी छ ।’

प्रतिक्रियाहरु

सम्बन्धित समाचारहरु

२३ कम्पनी कालोसूचीमा

२०८० चैत्र १४ गते, बुधबार

नेप्से १० दशमलव १४ अंकले वृद्धि

२०८० चैत्र १३ गते, मंगलवार

नेप्से १७.०१ अंकले घट्यो

२०८० चैत्र १२ गते, सोमबार