कतिखेर दिसा आउँछ ? अब मोबाइलले बताउँछ

२०७१ चैत्र ७ गते, शनिबार

काठमाडौँ । आपूmलार्ई कतिखेर दिसा लाग्छ वा कतिखेर मलमुत्र त्याग गर्न जानुपर्ने हो भन्ने कुरा समेत अब मोबाइल फोनको जिम्मामा छाडिदिने जमाना आएको छ । वैज्ञानिकहरुले यस्तो उपकरण बनाउँदैछन् जसले मानिसलार्ई कतिखेर दिसा गर्न जाने भन्ने कुरा बताइदिनेछ । डी फ्री नाम दिइएको उक्त डिभाइस खासगरी अपांग तथा विभिन्न खाले असक्तता र रोग भएका मानिसहरुका लागि चिकित्सा उपकरणको रुपमा बजारमा ल्याइँदैछ । ट्रिपल डब्लु नामक परियोजनाले यो उपकरणको निर्माण गर्दैछ । यसलार्ई व्यवसायिकरण गर्नका लागि एउटा अभियान नै सुरु गर्दैछ । ट्रिपल डब्लु अमेरिकाको क्यालिफोर्नियामा मुख्यालय रहेको जापानी कम्पनी हो । यो डिभाइसका फिचर्सहरु के–के हुनेछन् भन्ने विषय अझै गोप्य नै राखिएको छ । तर, यसको प्रोमोसनल भिडियोअनुसार यो उपकरणले पेटमा भएको गतिविधि थाहा पाउनसक्छ । पाचन प्रक्रियाको गतिविधि पहिचान गरी सम्बन्धित व्यक्तिले मल त्याग गर्ने उपयुक्त समय आउनुभन्दा १० मिनेट अगाडि एक एप मार्फत यो उपकरणले स्मार्टफोनमा त्यसको सूचना प्रवाह गर्दछ । बिजनेस कार्ड आकारको यो चौकुने डिभाइस पेटमाथि लगाइन्छ । यो डिभाइसले दिसा गर्ने समयको बारेमा मात्र होइन पेटमा कुनै गडबडी उत्पन्न भएको विषयमा समेत जानकारी उपलब्ध गराएर पाचन प्रक्रिया र अस्वस्थताको बारेमा समेत मानिसलार्ई जानकारी दिनसक्छ । दिसा गर्दा लामो समय लाग्ने खालको समस्या भएका, अपांग तथा वृद्धवृद्धाहरुका लागि यो उपकरण निकै उपयोगी भएको र यसले मानिसलार्ई दिसा त्याग अगाडि पर्याप्त तयारीको मौका दिने दाबी ट्रिपल डब्लुले गरेको छ । मार्च महिनामा रकम संकलन अभियान सुरु गरेर यो वर्षको अन्त्यसम्ममा यो डिभाइसलार्ई बजारमा पठाउने योजना कम्पनीको रहेको बताइएको छ ।

प्रतिक्रियाहरु