एसिड आक्रमणकारीलाई कार्बाही गर्न माग

२०७६ भाद्र २२ गते, आईतवार

काठमाडौं , २२ भदौ । अखिल (क्रान्तिकारी) पर्साले वीरगञ्ज छपकैया स्थित त्रिभुवन उच्च माध्यमिक विद्यालयमा कक्षा ९ मा अध्ययनरत १५ वर्षिय किशोरी मुस्कान खातुनमाथि शुक्रबार गरिएको एसिड प्रहारप्रति घोरनिन्दा गर्दै दोषी उपर कडा भन्दा कडा कारवाहीको माग गरेको छ । अखिल (क्रान्तिकारी) पर्सा जिल्ला इन्चार्ज सुभाषले विज्ञप्ति जारी गर्दै शृखलाबद्ध ढंगले यस्ता घटना घटिरहँदा पनि सम्बन्धित राज्य प्रशासन मौन बस्नु पिडितलाई थप पिडादिनु भएकाले अबिलम्ब एसिड आक्रमणकारीलाई हदैसम्मको कारवाही गर्नुपर्ने भन्दै घाईते मुस्कान खातुनको उचित निःशुल्क उपचार तथा क्षतिपूर्तिको समेत माग गरेका छन् । क्रान्तिकारीले नगरपलिकालाई ध्यान आकर्षण गराउदै विद्यार्थीहरुको शान्ति सुरक्षाको समेत माग गरेको छ । एसिड प्रहारले उनको शरीरको एक भाग पुर्ण रुपले जलेको प्रहरीले जनाएको छ । एसिड प्रहारबाट मुख, हात, छाती र पाखुरामा गम्भिर घाउ भएको छ । मुस्कानको काठमाडौ स्थित कीर्तिपुर अस्पतालमा उपचार भइरहेको छ ।

प्रतिक्रियाहरु

सम्बन्धित समाचारहरु