२०७६ मंसिर २३ गते, सोमबार

काठमाडौं, २३ मंसिर । आज भ्रष्टाचार विरुद्धको अन्तर्राष्ट्रिय दिवस । प्रत्येक वर्षको अंग्रेजी महिनाको डिसेम्बर ९ मा भ्रष्टाचार विरुद्धको अन्तर्राष्ट्रिय दिवस मनाउँदै आईएको छ । विश्वका १ सय ८० राष्ट्रमध्ये सुशासन सूचकांकमा नेपाल १ सय २४ स्थानमा रही ३१ अंक प्राप्त गरेकाे छ । नेपालकाे छवि सुध्रन नसकेकाे र भ्रष्ट मलुक नै रहेको कार्यक्रममा जानकारी दिईएको थियो । ट्रान्सपरेन्सी इन्टरनेशनलका अनुसार ५० अंक भन्दा कम अंक प्राप्तगर्ने मुलुक भ्रष्ट मुलुक मानिने कार्यक्रममा जानकारी दिईएको थियो ।
यसैबीच,अख्तियार दुरुपयोग अनुसन्धान आयोग हेटौँडाको आयोजनामा भ्रष्टाचार विरुद्धको अन्तर्राष्ट्रिय दिवस हेटौंडामा मनाइएको छ । आयोगको हेटौँडा कार्यालय प्रमुख शिवकुमार कार्कीको सभाध्यक्षता तथा प्रदेश ३ का मुख्यमन्त्री डोरमणि पौडेलको प्रमुख आतिथ्यतामा भएको कार्यक्रममा अख्तियार दरुपयोग अनुसन्धान आयोगका तर्फबाट प्रस्तुतिकरण गरिएको थियो । कार्यक्रममा विश्वसहित नेपालको सुशासन अवस्थाका बारेमा जानकारीमूलक विषयवस्तुलाई प्रस्तुत गरिएको थियो ।