२०७६ बैशाख ४ गते, बुधबार

सत्य कुरा बोल्नलाई,छैन हामीलाई डर !
म कविता लेखिरा’छु,आऊ गिरफ्तार गर !

न अपेक्षा न आशक्ति,न छ कुनै लेना देना !
तिमीसँग हामीलाई, न छ भय न छ भर !

हामी हाम्रो विवेकको आदेशमा चल्नेहरू
तिम्रो खुनी आदेश त्यो मान्नै पर्छ भन्ने छ र ?

कायरले भजन लेख्छ र कविता शाहसीले !
कविता नै कविहरूको चिता,चिहान या घर !

म शब्दका हतियार थुपार्दै छु तिमीनिरै !
वैरी खोज्न गस्ती गर्दै किन पुग्छौ पर पर ?

म कविता लेखिरा’छु आऊ गिरफ्तार गर !