२०७१ फाल्गुन २९ गते, शुक्रबार

काठमाडौं । प्रहरीको केन्द्रीय अनुसन्धान ब्युरो (सिआइबी) को टोलीले अवैध भिओआइपी सञ्चालनको आरोपमा स्मार्टसेलका इलेक्ट्रोनिक इन्जिनियर प्रदीप श्रेष्ठलाई पक्राउ गरेको छ। सिआइबीको अपरेसन भोइस फक्सु टोलीले श्रेष्ठलाई पक्राउ गरेको हो। उनले काठमाडौं महानगरपालिका १८ नरदेवीस्थित आफ्नै घरमा अवैध भिओआइपी सञ्चालन गर्दै आएका थिए। ३३ वर्षे श्रेष्ठको घरबाट प्रहरीले नेपाल टेलिकमका १२० सिमकार्ड समेत बरामद गरेको छ। १६ पोर्टको भिओआइपी गेटवे १ थान, १६ पोर्टकै जिओआइपी गेटवे १ थान, एक्साइड ब्याट्री, टिपीलिङ्क राउटर २ थान लागतयका उपकरण बरामद गरेको छ। यो सहित सिआइबीको टोलीले भिओआइपीविरुद्ध ७८ स्थानमा अपरेसन चलाइसकेको छ ।