५ रुपैयाँको माक्सलाई ५० रुपैयाँ !

काठमाडौं, २६ फागुन । नेपाली बजारमा माक्सको अभाव मात्रै होइन, कालोबजारी समेत मौलाउन थालेको छ । हामीले केही दिन अगाडि काठमाडौंका विभिन्न फार्मेसीहरुमा पुगेर माक्सको बारेमा अनुगमन गर्दा अधिकांशले ‘नो माक्स, सरी’ भन्ने सूचना टाँस गरेका पायौं ।फार्मेसी सञ्चालकहरुले माक्स उपलब्ध गराउने डिलरले नै ९ सय रुपैयाँमा पाइने माक्सलाई १५ सयदेखि १८ सय रुपैयाँसम्म लिन थालेपछि माक्स बेच्न नसकिएको बताएका छन् । तर, केही फार्मेसीहरुले भने पाँच रुपैयाँमा पाइने सामान्य सर्जिकल माक्सलाई २५ देखि ५० रुपैयाँसम्ममा बेच्ने गरेका छन् । काठमाडौंस्थित औषधि व्यवस्था विभागले गरेको अनुगमनका क्रममा केही फार्मेसीले मास्क लुकाएर राखेको पाइएको थियो ।
अहिले सरकारी अस्पतालका फार्मेसीहरुमा समेत माक्स पाइदैन । काठमाडौंमा रहेका चिनिया नागरिकले महंगो मूल्यमा खरिद गरी चीन पठाएका कारण माक्स अभाव भएको केही व्यापारीहरुको भनाइ छ । अहिले काठमाडौंमा मात्र नभई सबै जिल्लामा माक्सको अभाव छ । पोखराका २ फार्मेसी ‘परी मेडिकल हस्पिटल र स्याङ्जा औषधि पसल’ले ५ रुपैयाँ पर्ने सर्जिकल माक्सलाई ३० रुपैयाँ र ८० रुपैयाँ पर्ने माक्सलाई ४५० रुपैयाँमा बेचेको पाइएपछि जिल्ला प्रशासन कार्यालयले पसल सिल गरी ५०/५० हजार रुपैयाँ धरौटी लिएको छ ।
त्यस्तै, अहिले सुर्खेत, झापा, बुटवलमा पनि माक्स अभाव छ । त्यसोत, भारतसँग खुल्ला सीमा रहेको कैलाली कञ्चनपुरमा समेत माक्स अभाव भएको छ । भारत सरकारले माक्स निर्यातमा प्रतिबन्ध लगाएपछि सीमा नाकामा समेत माक्स अभाव भएको हो । जनकपुरमा समेत माक्स तथा सेनिटाइजरको अभाव छ । अहिले माक्स मात्र नभई हात सफा गर्ने ह्याण्ड सेनिटाइजरको समेत बजारमा कालो बजारी र अभाव हुन थालेको छ ।

प्रतिक्रिया लेख्नुहोस्

तपाइको इमेल देखिने छैन

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>