सिन्धुपाल्चोकमा कोरोनाको आशंका !

काठमाडौँ, २९ माघ । सिन्धुपाल्चोकको जुगल गाउँपालिकाका अध्यक्ष होमनारायण श्रेष्ठ अनुसार वडा नम्बर ३ गुम्बागाउँमा रुघा, खोकी र ज्वरो भाइरलको रुपमा फैलिएकाे छ । अध्यक्ष श्रेष्ठ अनुसार बिहान एक दर्जन रहेका बिरामी साझँसम्म १०० भन्दमाथि पुगेकाे छ । बिरामीको संख्या अत्यधिक बढिरहेको र कोरोना भाइरसको लक्षणसँग मेल खाने संकेत देखिएको गाउँपालिका अध्यक्ष श्रेष्ठले बताए । उनले फेसबुकमा लेखेका छन – बिहानसम्म १ दर्जनको संख्यामा रहेका बिरामी अहिले सॉझसम्म सय नॉघेको छ । बिरामीको संख्या बढिरहेको छ । रुघा, खोकी ज्वरोले भाइरलको रुप लिएको छ । कोरोना नहोस् तर यसका लक्षण मिल्दाजुल्दा भएकोले थप चनाखो हुनु पर्दछ भन्ने मात्र आग्रह हो हाम्रो ।’
जनशक्ति र साधनस्राेतले भ्याए सम्मको बिरामीहरूकाे सेवामा खटिरहेकाे उनले बताए । बिरामीको संख्या बढेको र अवस्था गम्भीर बन्दै गएपछि सहयाेगकाे लागि जिल्ला विपद व्यवस्थापन समिति, जिल्ला स्वास्थ्य कार्यलय, प्रदेश सामाजिक विकास मन्त्रालय, स्वास्थ्य तथा जनसंख्या मन्त्रालयलाई अनुरोध गरेकाे अध्यक्ष श्रेष्ठले जानकारी दिए । थप औषधी र मास्क लगायतका सामाग्री संकलन गरिरहेकाे र आफू पनि संकलन खटिरहेको उनले बताए । आज बिहानै मेडिकल अफिसर सहितको स्वास्थ्यकर्मी टोली गुम्बा जाँदै गरेकाे पनि उनले जानकारी दिए । उनले लेखेका छन – अहिले पनि म लगाएत साथीहरु थप औषधी र मास्क लगायतका सामाग्री संकलन गरिरहेका छौं । भोलि बिहान मेडिकल अफिसर सहितको स्वास्थ्यकर्मी टोली गुम्बा जादैछौँ । काेराेना भाइरस नै भनेर नभनेकाे तर केराेनासँग मिल्दोजुल्दो लक्षण भएकोले साबधानी अपनाउन संबन्धित निकायमा पत्राचार गरेकाे उनले जनाए । ‘सक्दो प्रयास भइरहेकोले नआत्तिन सबैमा आग्रह गर्दछु,’ उनले भन्, ‘म फेरि दोहोऱ्याछु हामीले कोरोना भाइरस भनेका छैनौं योसँग लक्षण मिल्दोजुल्दो भएकोले साबधानी अपनाउन संबन्धित निकायमा पत्राचार गरेका हौं ।’

प्रतिक्रिया लेख्नुहोस्

तपाइको इमेल देखिने छैन

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>