राज्यद्रोही – सुमनसिंह पौडेल

हो ! म राज्यद्रोही
मलाइ राज्यद्रोही हुनुमा
अधिक आनन्द छ….

भोको पेटको याचना
रोगिहरुको चीत्कार
शोकले थिलो थिलो भएका
मलिन अनुहारहरुको
अँध्यारो जिवनमा
उज्यालो खोज्ने कसुर छ मेरो

हो ! त्यसैले म राज्यद्रोही

तिमिले चुस्यौ,लुट्यौ
जुकाले जिंउदो रगत चुसेझैं
मजदुरको पसिना चुस्यौ
सुकुम्बासिको झुपडी अनि
ती झुपडिबाट बगेका आँसु चुस्यौ
गरिबहरुको सपना लुट्यौ
मलाइ त्यो सह्यै भएन
त्यसैले, मैले बिरोध गरे

हो ! त्यसैले म राज्यद्रोहि

देश बेच्यौ तिमिले
कहिले नदि बेच्यौ
कहिले जंगल बेच्यौ
कहिले सिमाना बेच्यौ
तिम्रा आफ्ना स्वार्थहरुको निम्ति
पटक पटक देशको सौदा गर्यौ
मैले सहन सकिन
मेरो आत्मा जिवित भएर
ठिङ्ग उभियो
मैले प्रतिरोध गरे
हो मैले, तिम्रा कर्तुतहरु
बजारमा गएर जोडले भन्दिए

हो ! त्यसैले म राज्यद्रोही

एक किलो नुनको निम्ति
मालिकको अगाडि रगत बगाउने मजदुर
सानो खुसिको झुपडी संसारको
एक पेट मीठो खाने सपना
एक आङ्ग लगाउने चाहाना
स्वतन्त्र भएर बांच्ने अभिलासामाथि
तिम्रा पासविक दमनहरु बर्सिन पुग्छन
तिम्रा निकृस्ट सोचहरु सल्बलाउछन
जंही तंही अन्यायको ताण्डब देखांछौं
यो मैले सहन सकिन
मैले बिरोध गरे तिम्रा हर्कतहरुको

हो ! त्यसैले म राज्यद्रोही
मलाइ राज्यद्रोही हुनुमा
अधिक आनन्द छ…..
र… यिनै आरोपहरुको प्रतिरोध गरेर
मर्ने इच्छा छ मेरो …

प्रतिक्रिया लेख्नुहोस्

तपाइको इमेल देखिने छैन

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>