मि टू अर्वान नक्साल – बलराम तिमल्सिना

हेलो सरकार ,
मि टू अर्वान नक्साल !

तिमी वदलिदै गए पछि
चाउचेस्कुमा च्याङ्काइसेकमा
म पनि बदलिन वाध्य भएँ
चारु मजुमदारमा चे ग्वेभारामा
क्रान्तिकारीहरू परिचय लुकाउँदैनन्
त्यसैले सिधा सिधा घोषणा गर्छु-
मि टू अर्वन नक्साल !

तिमीसँग बन्दुक छ मसँग कलम
तिमीसँग गोली छ मसँग अक्षर
तिमीसँग राज्य छ मसँग आवाज
तिमीसँग आदेश छ मसँग प्रश्न
तिमी सशस्त्र छौ म पनि खाली हात छैन
तिम्रा हर अत्याचार र
तिम्रा हर छलछामको प्रतिवादी
हो साँच्चै हो
मि टू अर्वान नक्साल !

तिमीसँग
पुलिस छ सेना छ
जेल छ न्यायलय छ
संसद छ सरकार छ
यी सवै भएर पनि
तिमीलाई हरदम त्राहीमाम पार्ने
आजको समयको कुख्यात आतङ्ककारी
तिम्रो सत्ताको तामझामतिर फर्केर
सँधै इस्स्स भनिरहने
मि टू अर्वान नक्साल !

सडक किनारामा बसेर
तिमीलाई कुरीकुरी गरिरहने
तिम्रा आन्द्राभूँडीभित्र
छचल्किरहेको हाम्रो आँसु देखाइरहने
आगो पार्ने कला सिकाएर सोझालाई
तिम्रा करेसातिर पठाउँने
हरेक दिन तिम्रो पोल खोलिरहने
तिम्रो कित्ताकाट दुश्मन
कलम सहितको विद्रोही
मि टू अर्वान नक्साल !

प्रतिक्रिया लेख्नुहोस्

तपाइको इमेल देखिने छैन

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>