भीरचुङ्मा डाँडाबाट प्याराग्लाइडिङ

काठमाडौं, २८ पुस । खोटाङको दिप्रुङ गाउँपालिकाले बतासेको भीरचुङ्मा डाँडाबाट प्याराग्लाइडिङको सफल परीक्षण गरिएको छ । पर्यटन प्रवद्र्धन गर्दै गाउँमा रोजगार सृजना गर्ने उद्देश्यले प्याराग्लाइडिङको परीक्षण गरिएको दिप्रुङ गाउँपालिकाका प्रमुख भुपेन्द्र राईले जानकारी दिए । भीरचुङ्मा डाँडाबाट उडेको प्याराग्लाइडर बतासेकै सुनकोशी किनारमा रहेको सानो भँडारेघाटमा झार्ने गरी सफल परीक्षण भएको छ । गाउँपालिकाले प्याराग्लाइडिङ र र्‍याफ्टिङका माध्यमबाट गाउँपालिकामा भित्रिने पर्यटकलाई धिप्लुङ झरनासम्म पु¥याउने लक्ष्य लिएको छ । बतासेको भीरचुङ्मा डाँडाबाट एकसाथ चार वटा प्याराग्लाइडरले प्याराग्लाइडिङ उडान भरेका थिए ।
यसअघि जिल्लाको धार्मिक तथा पर्यटकीयस्थल हलेसी, रुपाकोट मझुवागढी नगरपालिकाको खार्मी, हलेसी चुवाचुङ नगरपालिकाको भुम्जुडाँडालगायत ठाउँमा पनि अनौपचारिक रुपमा प्याराग्लाइड उडाइएको थियो ।

प्रतिक्रिया लेख्नुहोस्

तपाइको इमेल देखिने छैन

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>