पाकिस्तानमा हिन्दू मन्दिर !

काठमाडौं, २१ असार । पाकिस्तानका प्रधानमन्त्री इमरान खानको निर्देशनमा ७२ वर्षपछि पूजापाठका लागि फेरि हिन्दू मन्दिर खोलिएको छ । पञ्जाव प्रान्तको सियालकोटामा रहेको हिन्दू मन्दिर पुनः खोलिएको हो । मन्दिर खुला भएसँगै पाकिस्तानी हिन्दु धर्मावलम्बी निकै हर्षित भएका छन् । सियालकोटस्थित शावाला तेजा सिंह मन्दिरलाई पाकिस्तानको स्वतन्त्रतापछि पहिलो पटक खोलिएको हो । अब यस मन्दिरमा भारतबाट देवी–देवताका मूर्ति लगिने भएको छ । श्रद्धालुले यो मन्दिर खुलेपछि हिन्दु रीतिरिवाजले पूजा गरेर खुसियाली मनाएका छन् ।
यस क्रममा मन्दिरमा पूजा–पाठका साथै हिन्दू देवीदेवताको जयजयकार गरिएको हो । यो मन्दिर खोल्ने पहल पाकिस्तान इभ्याक्युई ट्रस्ट प्रोपर्टी बोर्डले गरेको थियो । हिन्दु सुधार सभाका अध्यक्ष अमरनाथ रन्धावा, डा. मुनावर चन्द र पण्डित काशी रामसमेत अन्य हिन्दू अगुवाहरु मन्दिर खोलिएको समारोहमा उपस्थित थिए । मन्दिरलाई नयाँ रुप दिनका लागि लागत अनुमान गरेपछि यसको जीर्णोद्धारको काम थालिने भएको छ । हिन्दु सुधारसभाका अध्यक्ष अमरनाथ रन्धावाले मन्दिरलाई पुनः खोल्ने निर्णयप्रति इमरान सरकारको प्रशंसा भएको बताए । -एजेन्सी

प्रतिक्रिया लेख्नुहोस्

तपाइको इमेल देखिने छैन

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>