निर्माण सम्पन्न नहुँदै ठेकेदारलाई भुक्तानी दिए पछि …

काठमाडौं, २९ माघ । रौतहटको चन्द्रपुर–८ मोतीपुरस्थित शिवशक्ति निम्न माध्यमिक विद्यालयले विद्यालयको भवन निर्माण सम्पन्न नहुँदै ठेकेदारलाई रकम भुक्तानी गरेको खुलेको छ । रकम पाएपछि निर्माणको जिम्मा लिएका ठेकदार बेपत्ता भएपछि निर्माणाधीन भवन आठ महिनादेखि अलपत्र परेको छ । सो विद्यालयले निर्माणाधीन दुई कोठे ट्रस्ट भवनको रकम भुक्तानी गरेपछि ठेकदार बेपता भएका हुन् । १६ लाख रुपैयाँको लागतमा निर्माण सम्पन्न गर्नुपर्ने भवनको निर्माणाधीन अवस्थामै १५ लाख रुपैयाँ लिएर ठेकेदार बेपत्ता बनेको स्थानीय सरोज बछारले बताए । जिल्ला शिक्षा कार्यालय रौतहटबाट बिद्यालय क्षेत्र सुधार कार्यक्रमअन्तर्गत भौतिक सुधार कार्यक्रमका लागि गत आर्थिक बर्षमा नै निकासा भएको रकमबाट निर्माणको जिम्मा दिएको शुभलक्ष्मी गणेश ग्रिल ट्रस्ट उद्योग निर्माण सम्पन्न नहुँदै बेपत्ता भएको हो । बिना प्रतिस्पर्धा विद्यालयले सो उद्योगका ठेकदार रामेश्वर ठाकुरलाई निर्माणको जिम्मा दिएको पाइएको छ ।
२०७४ साल असार मसान्तभित्रै निर्माण सम्पन्न गर्ने गरी कार्यादेश पाएको उद्योगले काम सम्पन्न गर्न २०७४ पुस १७ गते पुनः म्याद थप गरे पनि निर्माण कार्य अधुरो छाडेको छ । निर्माणाधीन उक्त भबनको निर्माण सामाग्री गुणस्तरहीन भएको स्थानीयको आरोप छ । विद्यालयका प्रध्यानाध्यापक काशिनन्दन चौधरीले निर्माणको जिम्मा लिएका ठेकदारको खोजीका लागि प्रशासनको सहयोग लिइने बताए ।

प्रतिक्रिया लेख्नुहोस्

तपाइको इमेल देखिने छैन

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>