कुलेखानीको जलाशय भरियो, सर्लाही र रौतहटमा त्रास

काठमाडौं, ३० असार । गएराति ठूलो वर्षा भएका कारण मकवानपुरको कुलेखानी जलविद्युत् आयोजनाको जलाशय भरिएको छ । जलाशयमा पानीको सतह १ हजार ५२५ दशमलव ५७ सेन्टिमिटर पुगेको छ । जलाशयको क्षमता १ हजार ५ सय ३० मिटर हो । तर, २०७२ को भूकम्पले ड्याम चर्किएको कारणले १ हजार ५ सय २७ मिटर मात्रै पानी संकलन गर्ने गरिएको छ ।
अहिले पनि प्रतिघण्टा ६० सेन्टिमिटरले पानी थपिँदै गएको आयोजनाले जनाएको छ । जलाशय भरिएपछि नेपाल विद्युत् प्राधिकरणले ड्याम्प खोल्ने तयारी गरेको छ । कुलेखानीको ड्याम्प खोल्दा तल्लो तटीय क्षेत्रमा खतरा हुनसक्ने भन्दै प्राधिकरणले सुरक्षित रहन आग्रह गरेको छ ।
यसैबीच सर्लाही र रौतहटमा स्थानीय प्रशासनले पनि सतर्कता अपनाउन सर्वसाधारणलाई सचेत गराएका छन् । कुलेखानीस्थित इन्द्रसरोवरमा पानीको सतह बढेका कारण बाँध खोल्ने तयारी भइरहेकाले डुवानको समस्या हुन सक्ने भन्दै सर्लाहीको पश्चिमी पुरै भेग र रौतहटको पूर्वी भेगमा सतर्कता अपनाउन आग्रह गरिएको हो । कुलेखानीको ड्याम्प खोलिए त्यहाँको पानी सर्लाही र रौतहट पुग्न झन्डै ४ घण्टा लाग्ने बताइएको छ ।

प्रतिक्रिया लेख्नुहोस्

तपाइको इमेल देखिने छैन

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>